REGIONAL News — Punong barangay it Brgy. Lantad, Silay City ro ginakabig nga suspect sa pagbaril sa mga supporters it Team Ugyon sa Brgy. Mambulac makaron nga agahon sa mismong adlaw it eleksyon nga ginkamatay it daywang katawo ag ginkanina it limang iba pa.
Raya ro ginkumpirma ni Police Col. Rainiero de Chaves, provincial director it Negros Occidental Police Provincial Office.
Suno kay de Chaves at large si Punong Brgy. Arnie Benedicto.
Daywa ro patay ag lima ro naninahan matapos nga ginpaarakan it baril ro mga tagasuporta it nasambit nga grupo sa Sitio Ipil-Ipil, Brgy Mambulac, siyudad it Silay, Negros Occidental.
Sa imporamasyon nga nabo-oe it Bombo News Team, ro mga biktima hay puro mga volunteers it Team Ugyon nga nagatindog sa guwa it sangka baeay nga ginakabig nga headquarters it Grupo Asenso kat may nag-agi nga van ag insigidang ginpangbaril ro mga biktima.
