KALIBO, Aklan—Ginakabaeak-an ni Punong Barangay Rafael Briones it Brgy. Briones, Kalibo ro bukon it manami nga nagakatabo sa pilang ka mga housing unit sa andang barangay.
Suno sa opisyal, makapilang beses eon imaw nga nakabaton it impormasyon nga may mga binatilyo nga perming naga-adto sa sangka housing unit nga may pilang ka mga kababayin-an.
Sa pagbisita sigon nana sa lugar hay aktwal kara nga nakita ro mga binatilyo nga may kaibahan nga mga babaye.
Masami man sigon nga may nagakatabo nga kinagamo sa lugar bangud sa away sa babaye.
Mag-eowas kara, na-obserbahan man sigon ni kapitan ro pagdayo it ibang binatilyo sa andang barangay rason nga mabahoe ro anang pagduda nga may nagakatabo nga illegal sa pabahay.
Bangud kara, nagpatigayun sigon imaw it pueong ag ginlaygayan ro mga ginikanan nga giyahan ag bantayan ro andang mga unga agud mapaeayo sa maeain nga hilimuon.
Gin-alerto man sigon nana ro mga barangay tanod agud mas pang pabaskugon ro pagpatrolya sa lugar.
