KALIBO, Aklan—Ginpamalibaran ni Punong Barangay Vicente Ibesate it Ugsod, Banga nga nagsaeakitan ro anang checker ag tagahakot it baeas sa stockpile sa anang nasakupan.
Suno kay Kapitan, samtang nagapanikangon ro anang checker napan-uhan kara ro pag-agi it ap-at ka mga saeakyan paadto it stockfile.
Insigida sigon imaw nga nag-uli sa andang baeay para magbuoe it motor ag ginsundan ro mga behikulo.
Pagkatapos kara hay ginpapundo it checker ni kapitan ro mga nagahakot it baeas para usisaon kun siin ro andang destinasyon.
Nakaangkon eamang sigon it sangkiri nga komusyon matapos nga owa maghueag ro checker ni certain Allan Tumbukon rason nga ginhabnit it barangay checker ro delivery receipt.
Nasayuran nga planong ideliver ro mga ginhakot nga baeas sa bahin it Buruanga.
Ginpadumduman man sigon it barangay checker it Ugsod ro mga natungdan nga indibidwal angot sa oras it delivery nga naga-umpisa alas-8:00 it agahon hasta alas-5:00 it hapon base sa ginpagguwa nga memorandum it gobyerno probinsyal.
