KALIBO, Aklan—Ginkumpirma ni Punong Barangay Frany Reyes it Brgy. Navitas, Numancia nga may sangka indibidwal nga nagbakwit sa andang lugar.
Suno kana, ro nasambit nga persona hay sangka babaye ag residente it andang lugar apang presenteng naga-board sa C. Laserna Street, Barangay Poblacion, Kalibo.
Angot kara, insigida sigon imaw nga nagpatigayon it information dissemination matapos kara nga makabaton it impormasyon kamana man nga nagtawag imaw sa Rural Health Unit (RHU)-Numancia agud nga makapangayo it advice kung ano ro anang pagahimuon para maprotektahan ro anang kasimaryo sa paeag it COVID-19.
Bangud nga ro nasambit nga persona hay maghalin sa lugar nga nakalista it kumpirmadong kaso it makataeapon nga sakit.
Sa makarun hay naka-home quarantine eon ro babaye ag nagapaidaeom sa striktong monitoring.
Samtang, nagpanugyan man imaw sa iba pa nandang pumueoyo nga maghalin sa ibang lugar nga may planong magbakwit ukon magbalik sa andang barangay nga mag-abiso anay kanda agud nga raya hay magiyahan.
