Nagapadayon ro puspusan nga isolation training it mga pencak silat players it Pilipinas sa Lipa, Batangas para sa paaeabuton nga SouthEast Asian Games ukon SEA Games sa nasyon it Cambodia.
Suno sa gold medalist nga si Mary Francine Padios, uwa sanda it ginauyang nga oras para maabot ro andang target para maging haom sa pagsabak sa andang hampang kontra sa iba pang nasyon.
Angot kara, nabatyagan nanda ro gaoy ag sakit sa andang eawas bangud nga raya ro andang puhunan apang pursigido sanda nga makaangkon it medalya para sa nasyon sa bulig it andang mga coaches ag ro pagsalig sa Ginoo nga makaperform sanda it husto.
Nasayuran nga sa pencak silat hay limang aklanon athlete ro napabahin sa idaeom it Philippine Sports Commission nga ginakaeakipan nanday Hanna Mae Ibutnande, Zandro Fred Jizmundo Jr., Shara Julia Jizmundo, ag Jasper Jay Lachica.
