INTERNATIONAL News —- Gin-aku sa publiko it Russia nga may pilang tropa nanda ro namatay sa pakikipagbakbakan sa Ukraine .
Raya sigon ro unang kahigayunan nga gin-aku it Moscow ro pag-angkon it casualties sa andang army umpisa nga ginmandu ni President Vladimir Putin ro pagsakop sa kaiping nga nasyon ko Miyerkules nga adlaw.
“Unfortunately, there are killed and injured among our comrades,” pahayag ni Igor Konashenkova, tagapaghambae it defense ministry it Russia nga gin-anunsyo sa Russian state television address kahapon.
Owa ginmitlang ro numero it mga namatay ukon naninahan , apang gin-insister nga eubus nga apektado ro Ukrainian forces kasunod it gina-alegar nga maabu ro namatay sa andang linya kaysa sa Russian side.
Sa pihak nga parte, ginpahayag it Ukrainian government nga naga-abot eon sa kapin sa 3,500 nga soldado it Russia ro andang napatay sa pag-umpisa it giyera.
Samtang, gin-anunsyo it opisina ni Ukrainian President Volodymyr Zelensky nga nakataeanang magahinun-anon ro magtimbang nga parte sa sangka lugar sa Belarusian border makaron nga adlaw it Lunes.
Raya hay matapos nga magpasugot si Zelensky nga makipag-istorya apang sa guwa it teritoryo it Belarus , kun sa siin raya ro ginagamit it Russia sa paglunsar it pag-atake sa andang nasyon.
“We agreed that the Ukrainian delegation would meet with the Russian delegation without preconditions on the Ukrainian-Belarusian border, near the Pripyat River,” pahayag ni Zelensky.
