Nagapati si House Ways and Means Chair ag Albay Rep. Joey Salceda nga bukon it solusyon ro extension sa isyu it PUV phase-out kundi ro bastante nga suporta nga igatao it gobyerno sa mga transport groups ag mga drivers ag operators.
Ginsuhesiyon man ni Salceda nga dapat ikunsidera man it gobyerno ro sangka “trade-in” scheme.
Sa nasambit nga scheme pagabakeon eon lang it gobyerno ro mga lumang jeepney sa haegang P100,000 hasta 150,000 kada unit, nga owa it ibang kundisyon.
Gintumod ni Salceda ro Car Allowance Rebate System (CARS), nga colloquially kilaea bilang “cash for clunkers.”
Raya hay kabahin it global financial crisis recovery program it Amerika.
Gusto ni Salceda nga himuon rayang modelo, kun siin ginabayaran para i-retire ro lumang jeep, imbes nga eubusang magbakae it bag-ong saeakyan ukon jeep.
Dugang pa ni Salceda makabulig raya sa mga operators nga makahalin sa lumang sistema nga owa it pagadaehon nga bag-ong pautang.
Ipakita sigon ro hagna sa tiempo nga magapatigayon it mga pagpamati ro House Committee on Transportation sandig sa anang naunang resolusyon para tan-awon ro socioeconomic impacts it PUV modernization program.
