Nakataeana nga igapanupod sa mga natungdan nga benepisyaryo ro andang transportation allowance.
Suno kay Mr. Randy Rebaldo, head it Aklan PWD’s Affairs Office nga tuyo it andang programa nga ma-engganyo ro mga ginikanan nga padayon nga paeskwelahon ro andang mga estudyante sa pihak it andang kapansanan.
Sa Pebrero 28 hay kapin sa 529 beneficiaries ro magabaton it tig-3,000 pesos nga maghalin sa banwa it Kalibo, Libacao ag Altavas nga nagabalor sa 1.5 milyon pesos.
Suno pa kay Rebaldo, raya hay first batch pa eamang ag sa mga masunod nga binuean hay mabaton man it ibang kabanwahanan ro ayuda para sa andang mga nasakupan bangud nga kapin sa 5 milyon pesos ro nakataeana nga pondo para kanda makaron nga dag-on.
Ro nasambitang aktibidad hay igapatigayon sa Kalibo Integrated Special Education Center ukon KISEC kon sa siin ro nasambit nga bulig pinansyal hay pinaagi man sa programa it provincial government
