KALIBO, Aklan—Pwede eon nga indi magsuksok it face shield maskin sa sueod it mga enclosed nga establisimento komersiyal sa banwa it Kalibo.
Raya ro naging panindugan ni Kalibo Mayor Emerson Lachica matapos ro pueong nanda it municipal inter-agency task force.
Suno kana nga ginkasugtan nanda nga bukon eon it mandatory ro pagsuksok it face shield ag boluntaryo eon lang raya eabi pa ag una eon sa idaeum it Alert Level 2 ro Aklan.
Suno kana nga gina-isip nanda ro reklamo it mga pumueuyu sa kalisod sa paggamit it face shield mag-eowas pa nga raya hay dugang nga gastos.
Apang ginklaru kara nga padayun gihapon ro pagsuksok it face masks.
Nauna kara, gin-anunsyo it national IATF nga posibleng ibalik ro paggamit it face shields.
Apang engkaso sigon nga imandu kara ro uman nga paggamit hay pwede man nga amyendahan ro anang ginpaguwa nga mandu angot kara.
Samtang, sa idaeum it alert level 2, ginasugtan man suno kana ro pagguwa it mga menor de edad sa banwa it Kalibo eabi eon ro pagwarang sa Kalibo Pastrana Park ag mga mall.
