Kalibo Aklan——–Striktong ginatan-aw ro QR code it mga turistang nagasueod ag paguwa it Isla it Boracay partikular sa Caticlan Jetty Port.
Suno sa Malay Tourism Council, inde pwede magsueod it Isla kon uwa it igapakitang QR code ag valid Identification Card ro sangka turista kon sa siin raya ro nagapangunang requirement sa tanan nga bisita sa Boracay.
Mataeopangdan man ro mga bakanteng pungkuan para sa mga senior citizens ag tourist waiting area bangud sa sangkiring numero it mga nagabakasyon sa Boracay.
Hugot man nga ginapatuman ro physical distancing sa mga pasahero sa sueod it motorbanca patabok it Cagban Port.
Angot kara, apektado man ro pangabuhian it mga van ag e-trike drivers daea eon man it sangkiring numero it local tourist nga ginapasugtang makasueod sa Isla.
