Kalibo Aklan ———-Gina-estudyuhan eon it lokal nga probinsiya it Aklan ro pagpatuman it RQ code system sa mga international travelers.
Suno kay provincial administrator Atty. Selwyn Ibarreta nga kinahangean nga ma-double check ro mga dokumento it mga foreign tourists eabi eon ro gina-required nga negative RT-PCR test result , 48 oras antes ro andang pagbiyahe pasueod sa Pilipinas.
Sa idaeum it polisiya, kinahangean sigon nga makahingabot ro mga biyahero sa gintaeana nga oras rason nga posibleng kaabuan sa mga raya hay direkta eon nga maga-agto sa andang destinasyon ag indi eon mag-stop over ukon mag side trip sa manila.
Sa pihak kara, ginklaru ni Atty. Ibarreta nga indi eon kinahangean nga magprisinta it negative RT-PCR test ro mga fully vaccinated travelers kun magabisita sa Boracay.
Sa gin-isyu nga executive order ni Aklan Governor Florencio Miraflores, nakabaehag nga ginapasugtan eon ro mga fully vaccinated tourists nga magsueod sa probinsiya maskin nga owa it igapakita nga negative COVID-19 test umpisa ko Pebrero 1, 2022 .
Sa pihak kara, kinahangean eamang nga magprisinta it mga biyahero it proof of vaccination kapareho it VaxcertPH, locally-issued vaccination card, World Health Organization International Certificates of Vaccination and Prophylaxis, ag vaccination cards ukon certificates nga gin-isyu abroad.
Kumpiyansa man si Atty. Ibarreta nga magabuhos ro mga foreign tourist sa Boracay matapos nga tamaan it bagyong Odette ro Siargao, Cebu, Bohol ag pilang parte it Palawan nga imaw ro andang ginapahauman sa makaron.
