Ginpasugtan eon nga maka-uli ro haeos tanan nga mga pasahero ag crew it cruise ship nga tinamaan it makamaeatay nga hantavirus outbreak ag ginkinahangean nga ipaidaeum sa quarantine sa Netherlands suno sa hepe it World Health Organization (WHO).
May una nga 12 nga kumpirmado ag sangka posibleng kaso it nasambit nga baeatian halin sa MV Hondius, eakip eon kara ro tatlo nga mga namatay.
Nagdungka ro nasambit nga barko ko Mayo 18 sa Rotterdam harbor sa Netherlands, kun sa siin, nagpaidaeum sa pilang domingo nga quarantine ro skeleton crew.
Suno kay Tedros Adhanom Ghebreyesus, head it WHO, nga kaibahan sa mga ginpasugtan nga mag-uli hay ro mga pasahero ag crew nga non-nationals.
Ginkumpirma nana nga owa eon it bag-o nga kaso nga nai-report ag nagapabilin nga estable ro sitwasyon.
