KALIBO, Aklan—Pagahinyuon sigon it lokal nga gobyerno it Aklan sa National Inter-Agency Task Force for the Management of Emerging Infectious Diseases nga panabaan eon ro quarantine status sa bilog nga probinisya bangud sa padayun nga pagnaba it kaso it COVID-19.
Suno kay Aklan governor Florencio Miraflores igasuhestiyon nanda sa andang pueong hin-aga, Oktubre 19 sa NIATF nga mabutang ro probinsiya sa pinakamanabang Modified General Community Quarantine (MGCQ).
Ro Aklan hay nagapabilin nga una sa general community quarantine (GCQ) umpisa Oktubre 16 hasta 31.
Sa pagpatuman sigon it mas instriktong MECQ ko Agosto 1 hasta Setyembre 7, maabung negosyante ag trabahador ro naapektuhan eabi eon sa isla it boracay.// sa makaron, ginpapanaog eon sa ‘low risk classification’ ro Aklan base sa parameters it Department of Health (DOH).
Umpisa Setyembre 8 hasta Oktubre 15, ro Aklan hay nakalista it 520 nga bag-ong kaso kumpara sa 3,622 umpisa Agosto 1 hasta Setyembre 7.
Mag-eowas kara, nagnaba man sa 1.04 percent ro ADAR (average daily attack rate) samtang ro health care utilization hay kapin sa 1.85 percent.
