Ginpasaeamatan ni Queen Elizabeth II ro mga pumueoyo it Britanya nga nagtambong sa selebrasyon it anang ika-70 anyos nga pagpungko sa puwesto.
Sa anang mensahe, ginpahayag kara nga malipayon imaw bangud maabu nga mga masadyang memorya samtang nakapungko imaw sa trono.
Nasayuran nga pilang milyong pumueoyo it Britanya ro nagtililipon para sa magarbong seremonya.
Personal man nga gin-eapitan ni Prince of Wales nga si Prince Charles ro mga tawong nagpamantaw sa palibot it Buckingham palace.
Kaibahan ni Queen Elizabeth II nga nagtan-aw it parada sa balcony it Buckingham Palace sanday Prince Charles, ro apo kara sa tuhod nga si Prince Louis ag ina kara nga si Princess Catherine ag Charlotte.
Nagpatigayun man it gun-salute ro mga 105th Regimen Royal Artillery sa London ag nagkaeain-eain nga nasyon sa United Kingdom.
Ginpamantaw man kara ro aerial shows halin sa mga fighter jets nga Royal Air Force.
