KALIBO, Aklan–Nagtaliwan eon sa pihak nga kinabuhi ro Britain’s longest-reigning monarch nga si Queen Elizabeth II sa edad nga 96.
Raya hay base sa anunsyo it Buckingham Palace.
Ro reyna hay namatay sa Balmoral Castle sa Scotland.
Dag-on 1952 kat magpungko sa trono si Queen Elizabeth II matapos mapili nga magbaylo sa nagtaliwan nga ama kara nga si King George VI.
Ginakabig imaw nga pinakamabuhay nga nagpungko sa trono matapos magserbi it masobra 70 anyos kung siin imaw ro monarch ag head of state it 15 commonwealth realms nga ginakaeakipan it Antigua and Barbuda, Australia, The Bahamas, Belize, Canada, Grenada, Jamaica, New Zealand, Papua New Guinea, Saint Kitts and Nevis, Saint Lucia, Saint Vincent and the Grenadines, Solomon Islands, Tuvalu ag ro United Kingdom.
Bangud kara hay magiging hari eon it Britanya ro unga kara nga si Prince Charles.
