Ginpasugtan it Pasig City court si Kingdom of Jesus Christ (KOJC) leader Apollo Quiboloy ag lima nana nga co-accused nga magtambong sa pagpadayon it Senate investigation sa human trafficking ag sexual abuses sa religious organization nga kasado makaron nga adlaw it Miyerkules, Oktubre 23.
Ginpakigbahin ni Senate Deputy Minority Leader Risa Hontiveros ro kopya it mando ni Pasig City Regional Trial Court (RTC) Branch 159 Presiding Judge Rainelda Estacio-Montesa nga nagapasugot sa hirit it Senate committee sa presensya ni Quiboloy ag anang mga co-accused sa legislative investigation sa pihak it pagpamalibad it religious leader.
Mag-eowas kay Quiboloy, ginpasugtan man it korte sanday Jackielyn Roy, Cresente Canada alyas Enteng, Ingrid Canada, Paulene Canada, ag Sylvia Cemanes nga magtambong sa Senate probe.
