Ginkumpirma it Bureau of Jail Management and Penology (BJMP) ku Martes, Enero 21 nga gindaea sa ospital ro nakadetineng si Kingdom of Jesus Christ (KOJC) leader Pastor Apollo Quiboloy ku adlaw it Sabado.
Suno kay BJMP spokesperson Jail Superintendent Jayrex Bustinera, gindaea si Quiboloy sa Rizal Medical Center (RMC) it BJMP-Pasig City Jail Male Dormitory bandang alas-5 it hapon ku Sabado matapos imaw ngareklamo nga nalisdan magginhawa.
Ginrekomenda man it BJMP Physician nga daehon imaw sa pinakamaeapit nga government hospital para sa tama nga medical intervention.
Suno sa BJMP official, ginrekomenda it attending physician nga ma-confine sa ospital si Quiboloy ag na-diagnose nga may community acquired pneumonia.
Pagsiguro man it opisyal nga nagapabilin nga una sa idaeom it kustodiya it BJMP si Quiboloy ag ginastriktuhan ro seguridad sa lugar samtang naka-confine raya sa ospital.
Kun matandaan, presenteng, nagapangatubang si Quiboloy sa patung-patong nga kaso kaibahan ro non-bailable qualified human trafficking, child ag sexual abuse.
