Ginkumpirma it Philippine National Police nga una sa maayos nga kondisyon makaron ro ikamayad nga eawas ni Kindom of Jesus Christ Pastor Apollo Quiboloy.
Suno sa pulisya , sa pihak kara hay nagpaidaeom gihapon ro kontrobersyal nga pastor sa iba pang pagbueong ag eksaminasyon.
Kinahang-ean eamang it court approval sa mosyon nga makaangkon it uman it medical examination.
Si Quiboloy hay na detain sa Philippine National Police Custodial Center sa Camp Crame, Quezon City samtang temporaryong ginsaylo sa Philippine Heart Center.
Samtang, gin-aprubahan mat-a it Pasig City Regional Trial Court ro mosyon nga mapaeawig ro pagtinir sa nasambit nga ospital bangud mat-a sa dental issues it pastor.
Ro pagkadetain it pastor hay may kaangtanan sa patong-patong nga kasong ginapangatubang nana sa korte it nasyon.
