KALIBO, Aklan — Agud kapin pang hugtan ro seguridad, magapatindog ro Philippine Coast Guard (PCG) it radar station sa isla it Boracay nga nagabalor it P30 million.
Ro radar station hay ibutang sa tuktok it Mt. Luho sa Barangay Balabag agud madaling ma-monitor ro hueag it mga barko ag iba pang sakayang pandagat ag mapunggan ro maabong pagsueod it mga terorista sa isla.
Ginaeaumang matapos ag magamit ro Boracay radar station sa Hunyo 2019.
Ro radar station sa isla hay sambilog eamang sa 20 iba pang igabutang sa mga ginakabig nga kritikal areas sa nasyon kapin eon sa Mindanao ag iba pang tourist spots sa rehiyon.
Sa pihak nga parte, kapin sa 215 nga lifeguards nga ginpaidaeom sa training ro haom nga ideploy agud magbantay sa kaeowasan it mga turista ag mga nagapaligos sa baybayon it Boracay.
