-- ADVERTISEMENT --
Sueod eon sa finals it French Open si Spanish tennis star Rafael Nadal matapos nga mag-angkon it injury ro ka-engkwentro kara nga si Alexander Zverev.
Nagdaog eon sa unang set si Nadal 7-6 (8) sa tie break ag samtang buyot it German tennis player ro abanse sa 6-5 sa second set kat gulping matiko kara ro anang ankle para maabot kunta ro forehand shot.
Bangud kara, natumba ag napasinggit si Zverev sa sakit samtang ginabuytan ro anang ankle.
Ginsakay ro 25-anyos nga si Zverev sa wheelchair pagguwa it court.
Bangud kara hay sueod eon sa finals si Nadal ag maka-engkwentro nana si Casper Rudd it Norway matapos piyerdihon si Mariin Cilic it Croatia.
-- ADVERTISEMENT --
