BANGA, Aklan—Ginklaru it barangay council nga puro dayo ro naeakot sa rambol nga nag-eontad sa katung-anan it kasadyahan sa binayle kasunod it ginpatigayon nga koronasyon kabi-i sa bisperas it kapistahan sa Brgy. Libas, Banga.
Suno kay punong barangay Jessie Morales it nasambit nga lugar nga nakursunadahan it taga-New Washington ro mga kaeaeakin-an nga taga- Brgy. Pagsanghan, Banga rason nga nagka-initan ag nakaangkon it gulo sa guwa it baylehan.
Natabu ro insidente bandang alas-11 it gabi-i matapos ro ginpatigayon nga coronation night.
Insigida man nga natapna it mga nakabantay nga pulis ag tanod ro insidente kun sa siin ro mga eakot hay ginpangdaea sa detention facility it Banga Municipal Police Station.
Nakadepende sigon sa imbestigasyon it kapulisan ag sa mga eakot nga indibidwal ro pag-settle sa natabu nga insidente.
