BALITA Espesyal– Sangka ramen shop sa Yunlin, Taiwan ro nagpaguwa it pinakabag-ong klase it ramen sa andang menu, ro Frog Ramen!
Nag-viral kan-o eamang ro ramen shop nga “Yuan Ramen”, matapos sandang magpa-survey sa andang mga suking customers kun ano ro manami nga ipangaean sa pinakabag-ong ramen sa andang menu.
Kaeakip sa post hay litrato it sangka ramen bowl nga may toppings nga sangka bilog nga paka!
Suno sa tag-ana it Yuan Ramen, ginpahayag kara nga mabuhay eon nana nga gustong magpaguwa it limited edition exotic ramen sa andang shop.
Paka ro gin obra nanda nga toppings bangud nga ordinaryo eon nga pagkaon ro paka sa mga taga Yunlin, Taiwan.
Apang agud nga maistoryahan ag maging viral sa internet ro anang bagong menu, naisipan nana nga sangka bilog nga paka ro ibutan sa kada serve kara.
Suno sa description sa menu, ro sangka bowl kara hay may fish based soup, classic ramen noodles, clams, green onions ag 200 grams whole unpeeled, uncut frog.
Bangud nga raya hay limited edtion, mabakae eamang raya kada Tuesday ag Wednesday it gabi-i.
Nagabalor it 250 Taiwan dollars (katumbas it P450) ro sangka maeukong ag kon nahadlok nga magkaon kara apang gusto eamang raya nga boe-an it litrato para obrahon nga content sa social media, pwedeng magpapicture kara sa balor nga 100 Taiwan dollars (P182).
Matapos ro pa-survey sa social media, napagdesisyunan it tag-ana it shop nga “Frog Frog Frog Ramen” ro itawag kara.
Bangud nga naging madahog raya sa mga customers, ginpag-isipan eon it tag-ana it shop nga obrahon eon raya nga kaparte it anang regular menu.
