KALIBO, Aklan — Gin pamalibaran it 31-anyos nga tiyu ro pagpanghimueos sa 5-dag-un nga gumankon sa Brgy. Tambak, New Washington, Aklan.
Naga panangison ro suspek nga si Romelito Enriquez, kat gin kulong sa Aklan Rehabilitation Center bangud sa gina pangatubang nga kasong rape.
Gin aresto it mga otoridad ro suspek matapos ro insidente kan-u eamang kat sudlon kara ro biktima sa sueod it andang baeay samtang isaeahanon nga nagatan-aw it pagowa sa telebisyon ag pilit nga gin guyod sa madueom nga parte it samad nga pader maeapit sa baybayon.
Gina sugid nga temporaryong gin aywanan it anang ina ro unga agud sueangon ro mister sa sangka namatchan.
Apang, sa pag-uli it mag-asawa hay naga panangison eon nga naga panugiron ro unga sa gin himo kana it suspek kamana man nga gin pakita ro anang underwear nga may mancha it dugo.
Nasayuran nga gin reklamo man ro suspek bangud sa pagpang-himueos sa alagang baka ag pato sa nasambitang lugar.
Mag eowas kara, sambilog pang unga sa andang lugar ro anang gin rape apang, owa eon nagpasaka it kaso ro pamilya agud makalikaw sa iskandalo.
Gina sugid nga ro suspek hay may diperensiya sa paino-ino.
