BALITANG Espesyal — Sa makaron nga tiempo, maskin ro mga sapat hay gina-rape man. Ro tawag sa mga tawo nga gustong makipag-sex sa sapat hay “bestiality.”
Padayun nga gina-usoy makaron it mga tawuhan it Argao Police sa Cebu ro sangka eaeaking ginadudahan nga naghimueos sa alagang baboy ni Pamela Bancale.
Si Pamela hay barangay secretary sa Brgy. Bug-ot, Argao, ag mabuhay eon nga naga-alaga it mga baboy.
Sa interview it Bombo Radyo Cebu, ginpahayag ni Pamela nga posibleng gin-rape ro anang alagang baboy matapos mataeupangdan it anang mister nga nagadugo ro kinatawo kara.
Mag-eowas kara, may naaywan man nga shorts nga pang-eaeaki sa kulungan it baboy nga posibleng ginapanag-iyahan it rapist.
Plano kunta ni Pamela nga obrahon nga nayon ro anang alagang baboy, apang bangud sa natabu hay posibleng ibaligya eon lang nana raya.
Basi sigon nga naapektuhan ro reproductive organ it baboy ag indi eon makapag-produce it mga urok.
Samtang, ginpahayag man ni Lieutenant Colonel Mark Gifter Sucalit it Cebu Police Provincial Office (CPPO) nga engkasong madakpan ro naghimo it krimen, pagakasuhan nanda raya it pag-eabag sa Republic Act 10631 ukon ro Animal Welfare Act of 1998, ag sa Article 327 it Revised Penal Code bangud sa malicious mischief and grave scandal.
Pursigido ro pulisya nga matumod ag mausoy ro suspek bangud nga posible sigon nga masunod nga maging target kara it kabastusan ro mga kababayin-an sa lugar.
