-- ADVERTISEMENT --
KALIBO, Aklan—Sangka 65-anyos nga lolo nga rapist ro naaresto it kapulisan, agahon it Lunes, Mayo 6, sa anang baeay sa banwa it Altavas.
Ro suspek hay gintago anay sa pangaean nga “Juan” ag residente it nasambit nga banwa.
Gindakop it katapo it Altavas Municipal Police Station ro akusado sa gahum it warrant of arrest nga gin-isyu it korte ko Abril 30, 2024 sa ginakaeakutan kara nga kasong rape.
-- ADVERTISEMENT --
Owa raya it gintaeana nga piyansa para sa anang temporaryong kahilwayan.
Boluntaryo man nga nagsurender sa mga awtoridad ro akusado ag makaron hay nakakulong sa detention facility it Altavas Municipal Police Station.
Ro akusado hay top 9 sa listahan it most wanted person it PNP regional, No.1 sa Provincial Level ag No. 2 sa Municipal Level.
