Gindaea it Toronto Raptors sa 3-3 ro serye it hampang sa Cleveland Cavaliers matapos iboesa ro overtime win sa Game 6.
Gindomina it Toronto ro 5-min overtime (OT) sa nasamtang nga game ag ginboesa ro 112-110 win agud ipatas ro serye.
Nagkamada it 73 points ro tatlong shooter it Raptors nga sanday Scottie Barnes, RJ Barrett, ag Ja’Kobe Walter ag ginpangunahan ro 2019 NBA champion sa ikatlong pagdaog makaron nga series.
Ginkueang ro OT performance it best shooters it Cavaliers nga sanday Evan Mobley, Donovan Mitchell, ag James Harden para tapuson eon kunta ro serye, eabi eon ag napakalisdan ro koponan sa 3-point line.
Mismong 11 3-pointers eamang ro naipasueod it team halin sa 41 attempts nga katumbas eamang it 27%.
Sa kabilugan it Game 6, kontrolado it Raptors ro mabahoe nga parte it hampang kon sa siin umabot pa sa 15 points ro pinakamataas nga naiposteng abante.
Magabalik sa Cleveland ro Game 7 nga nakataeanang ipatigayon sa masunod nga dominggo.
