Kalibo Aklan ——-Nagapadayun pa ro imbestigasyon it mga otoridad ag pamunuan it bumagbag nga Airbus A320 ko adlaw it biyernes sa syudad it Karachi, Pakistan.
Kapin sa 107 pasahero ag crew ro sakay it passenger plane.
Suno kay Bombo International Correspondent, Adnan S. Khan, nga naga-abot sa 97 ro namatay sa pagbagabag it nasambitang eroplano samtang daywa mat-a ro naka-survive ag presenteng ginabueong sa ospital.
Ginapahayag dugang ni Khan nga maghalin sa syudad it Lahore ro aircraft kung siin sakay ro 99 pasahero ag waeong crew members.
Magatugpa kunta sa Karachi ro Flight PK 8303 bandang alas-2:30 it hapon ko adlaw it biyernes apang gulpi eon eamang rayang naduea sa radar.
Indi pa matumod sa makarun kung ano ro matuod nga rason it pagbagbag it nasambitang eroplano maeuwas eamang sa ginapahayag nga nakaangkon raya it engine failure.
