KALIBO, Aklan—Bangud sa re-construction it drainage system rason nga naexperiensiyahan ro mga pagbaha sa Osmena Avenue hasta sa D. Maagma St. Kalibo, Aklan.
Suno kay Kalibo Mayor Emerson Lachica nga hasta sa makaron hay owa pa natapos ro construction it Department of Public Works and Highways ukon DPWH-Aklan rason nga mag-eowas sa eampas sa buko-buko nga baha hay mahinay pa ro anang paghubas.
Gindugang pa ni Mayor Lachica nga dati man nga municipal engineer it LGU-kalibo nga ro tubi nga naga-ilig sa nasambit nga lugar hay naghalin pa sa Brgy. Tigayon, Estancia ag Medalla Milagrosa Cemetery.
Ginpasiguro man ni Mayor Lachica nga engkaso nga matapos ro nasambit nga drainage system project nga naga-eapos sa Sitio Libtong, Brgy. Estancia, Kalibo hay mapahagan-hagan eon ro mga pagbaha sa lugar nga nakakadisturbo sa mga motorista, kliyante it mga bangko ag mga estudyante it sangka eskwelahan.
Igapursige man sigon nana sa dag-on 2020 ro pag-angkon it drainage project sa may Kalibo municipal cemetery agud nga masolusyunan eon ro mga problema it pagbaha sa lugar.
