KALIBO,Aklan–Sa pagpanguna it Aklan Police Provincial Office ukon APPO, nagpatigayon it reactivation and reorganization rong Aklan Police and Defense Press Corps. Nga ginhiwat sa Aklan PPO Camp Pastor Martelino, New Buswang, Kalibo, Aklan.
Kun sa siin ginkaeakipan man raya it election ag oath-taking it mga bag-ong officers it APDPC.
Gin-iliher bilang Presidenti si Astrophel Tabanera it Aklan Cable TV; Vice-President – Joefel Magpusao it Energy FM, Secretary – Jun Aguirre it GMA, Treasurer – Lyneth Mendoza it GMA Kalibo Brgy. RU 92.9 FM , Asst. Sec. Treasurer – Kenneth Loveras it Kalibo Cable Tv Network, Auditor – Sherry Anne Vidal it Brigada News FM, Board of Directors – Roben Laserna it APCI , Reynald Bandiola, Arnel Relampago it Love Radio, Darwin Tapayan it Bombo Radyo Kalibo, Malbert Dalida, Ina Zambrona, ag Shiela Patoza.
Angot kara, nagaeaum man rong na-iliher bilang presidente nga si Astrophel Tabanera nga makaangkon it manami ag masoehay nga relasyon sa tunga it media ag kapulisan agud nga makapaabot it transparent ag accurate nga impormasyon sa publiko.
Sa pihak nga parte, suno man kay Aklan Provincial Director PCOL Victorino E. Romanillos Jr. nga mabahoe ro papel it mga media sa kampanya it katapo it kapulisan nga makapaabot sa publiko it transparency ag accountability nga klase it serbisyo.
Mabahoe sigon ro bulig it mga mamahayag pamaagi sa pag-cover it mga balita, events, ag mga nagkaeain-eain nga aktibididad may kaangtanan sa Aklan police ag defense forces.
Ginpasiguro man ni PCOL Romanillos ro commitment sa bukas nga komunikasyon it Aklan police and defense forces sa publiko ag para maipabilin ro pagsalig it mga raya sa katapo it mga kapulisan agud nga maipabalin man ro peace and order sa bilog nga probinsya it Aklan.
