Ro anumang bagay ukon likido nga magsueod sa sistema it eawas ag magtuga it maeain nga epekto sa ikaayong eawas hay pwedeng makabig nga lason.
Ro nasambitang epekto hay tuga it reaksyong kemikal it lason nga pwedeng magsamad sa mga cells ukon tissue it pilang parte it eawas ag umabot sa kamatayon sa oras nga inde eagi raya maagapan.
Bangud kara, panugyan ni Dr. Rutchell Simene, sangka toxicologist nga mas mayad nga daehon eagi sa pinakamaeapit nga ospital ro pasyente eabi eon ro mga may sintomas kaparehas it pagsuka, panghina ag nahihilo.
Ginpaathag nga may ginatawag nga accidental ag non-accidental poisoning.
Ro accidental hay masaming pasyente kara ro mga onga kaparehas it mga nakainom it rubbing alcohol, gas ukon maskin anong bagay nga mapueot it onga.
Samtang ro non-accidental hay sanda ro mga tawong depressed nga nauuli sa pagsuicide kon sa siin ginapakamayad it mga raya nga mag-inom it hilo ukon maoverdose sa maskin anong klase it bueong.
Dueaon eon suno kana ro mga mis-conception pag-abot sa pagpatuman it first aid bangud nga posibleng ikaeain pa raya it pasyente eabi eon ro may mga malala nga sintomas ag gilayon nga daehon sa ospital para sa nagakaigong pagbueong.
