Kalibo Aklan ———Bangud sa pag-inuean ko nagtaliwan nga mga inadlaw rason nga temporaryong napundo ro reblocking ukon pag-ayos it karsada nga sakop it Barangay Bacan ag Ogsud sa banwa it Banga.
Suno kay Engr. Muriel Macavinta it Provincial Engineering Office ukon PEO nga ginmandu nana sa kontraktor nga butangan it baeas ro ginkaekae nga portion it karsada nga maligna nga kapin sa 3 meters.
Ginpahayag dugang nga ko nagtaliwan nga Pebrero 28 eamang gin-umpisahan ro proyekto ag target nga matapos sa Hulyo 7, 2022 .
Sakop it proyekto ro haeos 367 meters it karsada nga may alokasyon nga kapin sa 5 milyon pesos .
Masobra sa 8 meters eon sigon ro natigayon kara nga mabuhusan sa one lane madumduman nga ro under construction nga karsada hay naging trending sa social media bangud sa maeasa ag madaeum nga mga buho nga makabig nga takaw aksidente sa mga motorista.
Ginpromisa man kara nga igapaabot sa kontraktor nga magbutang it early warining device para sa kaeowasan it mga naga-agi sa lugar .
Sa pihak nga parte, gindugang pa ni Engr. Macavinta nga haeos tapos eon ro mga gin-construct nga karsada paagto it Libacao partikular sa barangay taba-ao ag nagahueat eon lang it “curing period” agud nga maagihan.
Posibleng masunod sigon nanda nga igapa-ayos hay ro samad nga karsada sa Barangay Lapnag, apang sa masunod nga dag-on pa uman nga makaangkon it allocation ukon pondo .
