INTERNATIONAL News — Nagpaguwa it recorded audio message si Pope Francis nga nagapasaeamat sa mga nagpangamuyo sa anang pagmayad bangud sa anang pneumonia.
Raya ro kauna-unahang kahigayunan nga nabatian ro boses it Santo Papa matapos imaw nga ma-admit sa Gemelli ospital ko Pebrero 14.
Nagatililipon ro mga tumueu-o sa St. Peter’s Square kada gabi-i para mangamuyo sa pag-mayad ni Pope Francis.
Ginkalipay man it mga tawo idtu kat mabatian ro boses it Santo Papa.
Ginpahayag it Vatican ko Huwebes nga ro Santo Papa hay una eon sa stable nga kondisyon.
Nagapadayun man ro anang breathing exercises ag physiotherapy, owa eon it eagnat ag nakaka-obra eon it anang trabaho sa agahon ag hapon.
Ro Vatican hay nagatau it updates daywang beses sa sang adlaw sa kondisyon it ikamayad nga eawas it Santo Papa.
Owa man nakatambong ro Papa sa formal Ash Wednesday celebration sa Roma, nga senyales it pag-umpisa it Kwaresma apang nakiparte sa pagbendisyon sa pribadong suite sa 10th floor it Gemelli.
