National News——–Nagapati si Defense Secretary Delfin Lorenzana nga may basehan eon ro Red tagging sa Makabayan bloc.
Raya hay matapos nga mapatay sa engkwentro it NPA ag Philippine Army sa Surigao Del Sur ro Amazona nga kamanghuran nga onga ni Bayan Muna Representative Eufemia Campos Culliamat nga si Jevilyn Cullamat.
Suno sa opisyal, klaro nga ginasuportahan it Makabayan ro ginahimo nga kinagamo ag pakikibaka ukon armed struggle it New Peoples Army (NPA).
Ginpahayag pa it opisyal nga mag-eowas sa kamanghuran nga onga ni Bayan Muna Representative Cullamat, miyembro man it NPA ro pilang manghod kara.
Nagpanawagan man si Secretary Lorenzana sa Communist Party of the Philippines -New Peoples Army ukon CPP-NPA nga punduhon eon ro pakikibaka para uwa it mga pamatan-ong namamatay nga andang nalinlang nga magpasakop sa andang grupo.
