Mahaba nga pila, komplikadong requirements ag mabuhay nga paghueat ro pila sa mga reklamo kon may transaksyon sa gobyerno.
Sa pihak kara, may mga nagapati sa gihapon nga may pamaagi agud nga mapadasig ag mapadali ro pagtau it serbisyo it gobyerno sa mga pumueuyu.
Rason nga uman nga ginaduso ro E-Government Act pinaagi sa Senate Bill No. 334.
Engkaso nga maging eubus nga laye ro proposisyon, matuldukan eon ro mahabang pila ag mabuhay nga paghueat it pumueuyu agud nga maserbisyuhan.
Una eon kita sa ‘new normal’ ag bangud man sa pandemya, mas nakita naton ro mga problema ag posibleng solusyon.
Importante ro madasig nga pagsabat sa mga kinahangeanon it publiko.
Engkaso nga maipasa ro proposisyon, ro Department of Information and Communications Technology (DICT) ro maga-baeay it sangka e-government master plan para sa paglunsar it mga online nga serbisyo it mga ahensya it gobyerno.
Kaparte it master plan ro archive ag records management system, online payment system, citizen frontline delivery services, ag public finance management ag procurement system.
Ginapatihan nga indi eang magiging madasig ro mga transaksyon, makalikaw man sa korapsyon.
Kabay nga matun-an raya it mayad
Kon may mga kinahangean nga idugang ukon bag-uhon, basta sa kamaeayran it kada pumueuyu ag ko nasyon , aprubahan eon .
