KALIBO, Aklan–Mabahoe ro maibulig it reflex acupressure massage therapy agud nga malikawan ro physical,emotional ag financial stress.
Suno sa sangka reflex therapist nga si Alejandro Jun Tapaka Jr., nga makapahagan hagan it ginabatyag nga problema ro pagpislit it mga kaugat-ugatan sa kaeawasan.
Importante man nga indi mag isip it kung ano-ano ag i-relax eamang ro kaugalingon.
Magpangamuyo ag piyungon ro mata ag samtang ginapislit ro pilang parte it eawas hay isipon eamang nga gina-massage it inyong mahae sa kabuhi.
Nasayuran nga rong reflexology hay kilaea man sa tawag nga zone therapy ukon sangka alternatibong medisina nga ginagamitan it presyon sa mga pa-a ag alima gamit ro mga tudlo ag alima kung sa siin owa eun nagakinahangea pa it oil ukon lotion.
