KALIBO, Aklan—Nagahimo eon it mga tikang ro Regional Maritime Unit 6 bilang preparasyon para sa mga emerhensiya nga posible mag-eontad makaron nga tig-ueuean.
Gin-anunsyo ni Colonel Ervin Glenn Provido, director it RMU 6, nga ginapahaum eon nanda ro maritime properties para sa search ag rescue operations sa tiempo it pagpanaeasa it mga bagyo ag iba pa nga natural disasters.
Suno kay Provido, dapat nga preparado sanda nga magbulig sa iba pa nga mga ahensya kon kinahangeanon.
Pahayag ni Provido, haum ro andang mga equipment kapareho it speedboats, jet skis, ag iba pa nga protective gear para gamiton it andang mga personnel sa tiempo it mga pagpanghangkat nga daea it baha, bagyo, ag mga tropical depressions.
Ro preparasyon hay kasunod it pag-anunsyo it state weather bureau nga natapos eon ro summer season.
Gintaw-an man it atensyon it opisyal ro importansya it koordinasyon sa Philippine Coast Guard agud mapamayad ro andang kapasidad sa disaster response ag pag-eowas it kabuhi.
