KALIBO, Aklan — Bangud sa paeag it nakakamatay nga 2019 novel coronavirus acute respiratory disease (nCoV-ARD), ginpaiway anay it Western Visayas Regional Athletic Association (WVRAA) meet 2020 nga nakataeana kunta nga igapatigayon sa probinsya it Aklan sa Pebrero 15 hasta it 22.
Suno kay Schools Division Superintendent Miguel Mac Aposin it Department of Education (DepEd)-Aklan, gusto sigon ni Aklan Governor Florencio Miraflores nga matutukan anay ro problema sa nasambitang sakit.
Raya hay base eon man sa rekomendasyon it mga health authorities sa probinsya.
Ginkasugtanan sigon nanda nga i-rechedule raya sa buean it Marso.
Ginaeauman nga kapin sa 7,000 student-athletes, mga coaches ag lokal nga opisyal halin sa an-om nga probinsya sa Western Visayas ro makipagbahin para kunta sa pinakamabahoe nga sporting event sa rehiyon.
