KALIBO, Aklan – Masako ag abo eun ro mga nagaparehistro bilang botante para sa nagahilapit nga pagtapos it nasambit nga aktibidad
Pagpahayag ni Atty. Christian Itulid ro COMELEC Collection Officer IV it COMELEC Kalibo nga padayon ro andang paglibot sa mga barangay agud nga engganyuhon ro mga pumueoyo nga magparehistro ag agud indi eun nga magdueongan pa.
Nalikawan man nanda ro mga dgasa nga aplikante sa mga ulihing adlaw bangud indi eun nanda ro mga raya maentertain kun mag-eampas it alas-5 it hapon ag kun mag-abo gid hay maga-usoy sanda it mas mabahoe nga lugar.
Sa makaron, amat-amat man nga nagaabot ro mga aplikante sa nasambitan nga taeatapan kun siin organisado man sigon nanda ro mga raya nga gina-asikaso.
Pag-engganyo man nana nga hasta kaya hay magtemprano sigon it adto ag magproseso sa andang opisina bangud nga bukas sanda bisan adlaw it Sabado ag holidays.
Sa pihak nga bahin, nasayuran nga naghimo man sanda it satellite registration ku nagtaliwan nga Sabado sa BJMP ag ARC.
Pagsaysay nana nga sa adaw it eleksyon hay may identified poll precint ro mga raya para una sanda makaboto agud indi eun mag-escorted voting, ag ro andang balota hay daehon ag bueon it special support staff.
Magabutang man sigon sanda it special electoral board ag kumpirmahon pa kun may separado raya nga machines.
Sa makaron, nakalista eun sigon it 1,313 ro COMELEC Kalibo nga mga aplikante nga mas mataas kumpara sa mga nagtaliwan nga registration period nga mas ginasaligan nanda nga mas magadoble pa ro numero bago matapos ro aktibidad sa Setyembre 30.
