-- ADVERTISEMENT --
KALIBO, Aklan — Ginapabugae it Department of Environment and Natural Resources (DENR)-Region 6 ro ginpatigayon nga rehabilitasyon it sikat nga Isla it Boracay sa idaeum it pagdumaea ni Pangueong Rodrigo Duterte.
Suno kay DENR Region 6 Director Livino Duran, sangka mabahoe nga kadaeag-an ag importanteng environmental achievement ro pagpanami sa isla bangud sa administrasyong Duterte.
Gindugang ni Duran nga sa tunga it selebrasyon it Environment Month, 90% eon nga kumpleto ro rehabilitation program sa pinaka-kilaeang beach destination sa nasyon.
Nagaeaum ro DENR-6 nga magiging prayoridadsa gihapon it masunod nga administrasyon ro rehabilitasyon sa nasambit nga isla agud nga magapabilin ro balanse it palibot ag turismo sa nasyon.
