KALIBO, Aklan—Nadesisyunan eon it sangguniang panlalawigan it Aklan ro reklamo nga ginpasaka ni vice mayor Rex Gubatina kontra kay mayor Alfonso Gubatina it banwa it Madalag.
Raya hay kasunod it haeos masobra sang oras nga talakayan sa plenaryo kon siin ro reklamong dishonesty and misconduct in office nga ginpasaka ko ulihing buean it nagtaliwan nga dag-on it bise alkalde hay nauli sa pamatbat nga guilty ro alkalde sa kasong Simple Negligence.
Nauna eon nga ginpahayag ni outgoing Aklan first district board member Soviet Russia Dela Cruz, raya ro naging findings ag recommendation it investigating committee matapos ro pilang serye it paghimay sa nasambit nga reklamo.
Ro kaakibat kara nga penalidad hay reprimand.
Madumduman nga nag-ugat ro nasambit nga kaso sa pagpatindog it evacuation center sa sangka pribado nga eugta nga owa it deed of donation.
