Welcome development para sa Alliance of Concerned Teachers ukon ACT Partylist ro naging rekomendasyon it Senate Blue Ribbon Committee nga pasakaan it nagakaigong kaso ro mga dati ag presenteng opisyal it DepEd ag Procurement Service it Department of Budget and Management (PS-DBM) nga eakot sigon sa P2.4 billion overpriced nga pagbakae it laptop.
Suno kana, nakibot man sanda sa madasig nga desisyon it komitiba apang hinyo eamang nanda nga inde raya ma-white wash agud nga masentensyahan ro mga imbolbadong opisyal it gobyerno sa nasambitnga anomalya.
Panugyan kara nga dapat taw-an it preventive suspension ro mga opisyal agud nga inde nanda maimpluwensyahan ro igapatigayon nga imbestigasyon kontra kanda.
Nasayuran nga sa 197 panig it committee report, ginarekomenda nga kasuhan sanday Usec. Alain del Pascua, Usec. Analyn Sevilla, Asec. Salvador Malana III, Director Abram Abanil, PS-DBM OIC Dir. Lloyd Christopher Lao, PS-DBM acting Dir. Jasonmer Uayan, BAC Chairman Ulysses Mora, ag iba pang miyembro it SBAC 1 ag SBAC TWG secretariat ag staff.
Apang, bukon it kaibahan sa ginapakasuhan sanday dating DepEd Secretary Leonor Briones ag dating Budget Secretary Wendel Avisado bangud uwa it ebidensiya kontra kanda.
