Ginatutukan it gobyerno ro rekomendasyong bawasan ro oras it pagbyahe it mga public utility bus drivers kasunod it magkasunod nga aksidente sa karsada nga nagtuga it pagkamatay it pilang indibidwal.
Suno kay Palace Press Officer Claire Castro, eubos nga ginkasubo ni Pangueong Ferdinand Marcos Jr. ro insidente, kaya ginsugo nana kay Transportation Secretary Vince Dizon nga magpatuman it mga tikang para masiguro ro kaeuwasan it mga pasahero.
Kaibahan sa mga rekomendasyon ro pagbawas it oras it pag-byahe halin an-om nga oras paadto sa ap’at nga oras.
Ginpahayag ni Castro nga posibleng maapektuhan ro kapasidad it mga drivers nga magmaneho it euwas kun masyadong mahaba ro andang oras sa karsada.
Mageuwas kara, ginpadumduman man ro mga motorista nga likawang magmaneho it puyat ukon hilong para mapabilin ro kaeuwasan it tanan.
Ginsiguro man ni Castro nga iga-konsidera it gobyerno ro posibleng epekto it proposisyon sa kabuhayan it mga drivers ag paga-taw’an it atensyon ro andang economic welfare samtang gina-asikaso ro implementasyon it anumang bag-ong polisiya.
