Makaron paeang ginapapahaum eon ni WBC bantamweight champion Nonito “The Filipino Flash” Donaire ro mga boxing fans bangud ginapasiguro nana nga sangka mainit nga bakbakan ro matabo sa rematch nanda it Japanese superstar nga si Naoya Inoue sa nagahilapit nga Martes, Hunyo 7.
Si Inoue ro may buyot it daywang korona sa IBF ag WBA.
Mataeopangdan nga ku nagtaliwan nga 2019 hay ginkilaeang fight of the year ro andang showdown apang napiyerde sa unanimous decision si Donaire.
Kung siin sa makaron nga kahigayunan hay ginapasiguro it Pinoy champion nga mas grabe pa ro rematch nanda kumpara sa natabo ku nagtaliwan nga brutal ag classic fight.
Suno kay Donaire handum nana nga makabaeos kontra sa knockout artist nga si Inoue nga umaabot eon sa 19 ro mga kontra nga hapatueog umpisa sa 22 ga mga hampang.
Dugang pa it 39-anyos nga si Donaire sayod eon sigon nana sa makaron kung alin ro paga-ubrahon nga diskarte para ipasamit ro unang pagkapiyerde it Japanese boxing star.
