NATIONAL News — Nagtaas it 2.7% ro ginpadaea nga kwarta it mga overseas Filipino workers (OFWs) ko Pebrero 2025, suno sa Bangko Sentral ng Pilipinas (BSP).
Naga-abot sa $2.716 bilyon ro cash remittances nga nailista pinaagi sa mga bangko, mas mataas kaysa sa $2.646 bilyon ko Pebrero 2024, maskin nga mas sangkiri nga manaba kumpara sa $2.918 bilyon ko Enero.
Sa kabilugan it unang daywang buean it dag-on, nag-abot eon sa $5.633 bilyon ro remittances, mas mataas it 2.8% kumpara sa parehong tiempo ko 2024.
Suno sa BSP, ro pagtaas hay bangud sa mas mataas nga padaea halin sa US, Saudi Arabia, Singapore, ag UAE.
Top sources it cash remittances umpisa Enero hasta Pebrero 2025 hay ro US – 40.9%; Singapore – 7.6%; Saudi Arabia – 6.0%; Japan – 5.3%; UK – 4.8%; UAE – 4.0%; Canada – 3.2%; Taiwan – 2.9%; Qatar – 2.8% ag Hong Kong – 2.6%.
Ro personal remittances kaibahan ro informal channels hay tumaas man it 2.6% sa $3.024 bilyon ko Pebrero halin sa $2.946 bilyon ko nagtaliwan nga dag-on.
Ro year-to-date nga personal remittances hay tumaas it 2.7% sa $6.267 bilyon halin sa $6.100 bilyon ko 2024.
