Nag-plead it not guilty si Uswag Ilonggo Rep. James “Jojo” Ang Jr. sa sambilog sa mga graft case nga anang ginapangatubang sa Sandiganbayan Second Division, adlaw it Martes.
Personal nga nag-atubangsi Ang sa arraignment ag pretrial proceedings angot sa kasong pageabag sa Section 3 it Republic Act No. 3019 ukon Anti-Graft and Corrupt Practices Act.
Ginabawae sa nasambit nga probisyon ro pag-angkon it direkta ukon bukon it direktang financial ukon pecuniary interest it sangka public official sa negosyo, kontrata ukon transaksyon nga anang ginaeakipan bilang kaparte it anang opisyal nga obligasyon.
Nauna eon ng nagpasaka ro Office of the Ombudsman it 14 counts it graft kontra kay Ang bangud sa gina-alegar nga kaangtanan kara sa sangka construction firm nga nakabo-oe it mga kontrata sa Department of Public Works and Highways nga nagabalor it P214 milyon.
Limang criminal cases ni Ang ro buyot it Sandiganbayan Second Division. Sa ap-at pa nana nga kaso, nauna eon imaw nga nag-plead it not guilty ko Setyembre 8 ag Setyembre 15.
Ginaeauman nga igaplastar it prosekusyon ro andang mga ebidensya kontra kay Ang sa Nobyembre 24 ag Disyembre 1.
Kun magadihon man it ebidensya ro depensa, nakataeana raya nga obrahon sa Enero 12 ag Enero 21
