-- ADVERTISEMENT --
Gintawag ni Batangas 1st district Rep. Leandro Legarda Leviste nga mahina ro kasong ginpasaka it Department of Energy (DOE) kontra kana ag sa pilang opisyal it Solar Para sa Bayan Corporation, kasunod it reklamong gindihon sa Department of Justice.
Suno sa DOE, ginkasugan ro grupo bangud sa pageabag sigon sa Public Service Act ag uwa pagtuman sa mga kondisyon it andang legislative franchise, kaibaghan ro kapaseawan nga magsumite it kinahangean nga permits ag regulatory approvals para sa mga proyekto sa Occidental Mindoro.
Ginpunto ni Leviste, uwa it bastante nga basehan ro reklamo ag posible rayang magbukas it mali nga precedent kontra sa mga opisyal it public utilities ag nagapamuhunan sa nasyon.
