Ginengganyo ni Bicol Saro Party-list Rep. Terry Ridon ro Office of the Ombudsman nga imbestigahan ro posibleng malversation ukon saea nga paggamit it confidential funds it Office of the Vice President (OVP).
Suno kay Ridon, may mga dokumentong nagapakita sigon it posibleng iregularidad sa accomplishment reports it OVP, kun siin pauman-uman nga naga-eutaw ro P125 milyon maskin nagaka-iba ro sakop nga tyempo, lugar ag gaeastuson.
Kaibahan kara ro P16 milyon para sigon sa renta ag maintenance it safe houses nga nag-eutaw sa magkakaibang quarter ku 2022 ag 2023
Bangud kara, ginhinyo ni Ridon nga usisaon ro posibleng saeabton nanday dating special disbursing officer Gina Acosta, dating security chief Raymund Dante Lachica ag Vice President Sara Duterte.
Suno pa kay Ridon, magapadayon ro prosecution sa pag-usisa sa mga dokumento hasta nga matapos ro impeachment proceedings.
