Mabahoe nga kapurilan sigon ro ginreport it mga army angot sa pagpatay sa gina-alegar nga miymebro it NPA sa Tapaz, Capiz// suno kay Ronel Agudes, igkampod ni Peter Agudes nga gina-alegar nga sangka miyembro it CTG, nga ro anang igkampod hay inosente bangud raya hay nagakaingin eamang kunta sa lugar.
Bandang alas dos it hapon, nagtambong si Peter kaibahan ro anang gumankon nga eaki sa bahin it Minan, Tapaz Capiz para magkaingin. Pag-abot sa lugar, nakit’an sanda it mga army ag bigla eon lamang sandang gindakop ag gintutukan it baril. Eagi man nga sumunggit ro anang gumankon nga sanda hay mga sibilyan apang uwa sanda ginpatmatian ag gin paeukpan ro anang tiyo.
Pagkatapos it ingkwentro, euwas nga naka-uli ro anang gumankon ag eagi nga ginsugid sa anang ama ag katiyuhan nga sanda hay gin-ambush. Ginadtunan man sigon it mga manghod ni Peter ro lugar kun siin natabo ro ingkwentro apang ginharangan sanda it mga tawong nakamaskara bangud indi sigon sanda pwede mageapit sa crime scene.
Mabahoe ro pagpati it andang pamilya nga bukon it miyembro it CTG si Peter bangud imaw ra hay sangka active 4P’s member, brgy. tanod sa andang lugar, ag dati man sigon nga intel ukon asset it army.
Paathag pa ni Ronel nga ro mga baril nga ginpakita it army hy uwa ginapanag-iyahan it anang igkampod bangud uwa man sigon it kapasidad makabakae it mga highpowered nga mga shotgun ro mga taga bukid, apang nagapati imaw nga ro daea it anang igkampod hay sangak home made shotgun nga ginagamit sa pagpangbaril it mga kahayupan.
Sa makaron, ginbuoe it asawa ni Peter ro anang eawas sa punirarya ag raya hay pagadaehon sa Libacao.
Nagapanawagan man ro pamilya nga kunta may makabulig kanda nga mataw’an it hustisya ro andang kapamilya.
