Nagakinasandya sa makaron ro pilang mga Republicans states kapareho it Texas, Oklahoma ag Florida sa naging desisyon it Korte Suprema it Amerika sa pagbawae it abortion.
Maging ro pilang Filipino community nga kaabuan hay Kristiyano ag bukon it pabor sa abortion.
Suno kay Rufino “Pinoy” Gonzales mahalin sa Texas, matapos sigong it kapin sa 50 dag-on umpisa 1970s, makaron eamang eubos nga ginbawaean ro abortion sa Amerika bangud sa idaeom it administrasyon ni dating US President Donald Trump maabu sigon nga na-appoint na Republicans nga Supreme Court justices.
Sa oras sigon nga magdesisyon ro Korte Suprema awtomatiko nga iga-ban eon ro abortion.
Ro mga estado man kapareho sa California, New york ag Massachusetts nga pro-abortion hay mabahoe sigon ro ginataeana nga haega it federal government para sa tanan nga expenses sa abortion.
Samtang sa kampo man it mga Republicans kabaliskaran raya sa andang pagpati nga ipahueog ro onga samtang sa tiyan pa.
Una eon kara ro pagpaguwa it desisyon it US Supreme Court nga nagabawae sa federal constitutional right sa abortion.
Raya hay matapos nga mabaliskad it Korte Suprema sa Amerika ro makasaysayang 1973 “Roe vs. Wade” decision nga nagatao it kinamatarong sa mga kababayenhan nga magpaidaeom sa abortion.
