KALIBO, Aklan—Naging madinaeag-on ro ginpatigayon nga Rescue Task Force Demonstration sa pagpanguna it Municipal Disaster Risk Reduction Management Office ukon MDRRMO sa Kalibo municipal building.
Ro nasambit nga aktibidad hay sumentro sa active shooting incident nga kaparte eon man it selebrasyon it disaster resilience month.
Raya hay magaserbe nga preparedness agud nga maging haom ro tanan sa posibleng maga-eontad nga mass shooting nga bukon eon it bag-o sa mga gamhanan nga nasyon kaparehas it Estados Unidos.
Ginhimo raya nga aktibidad bangud nga may history ro Kalibo ko dag-on 2005 nga may nag-eontad nga pagpamaril kon sa siin natabo raya ko kasagsagan it Ati-atihan festival.
Gindemonstrate it rescue task force kon paano ihandle ro kaugalingon kon may mga mass shooting nga magaeontad.
Ro rescue demonstration hay sa pakikipagbueoligan it MDRRMC, Aklan PPO ag iba pang concern agencies.
